Sean Edwards (g. Caerdydd, 1980) gydag MA o Ysgol Gelf Slade yn 2005 ac ar hyn o bryd mae’n Gyfarwyddwr Rhaglen Celfyddyd Gain a Ffotograffiaeth yn Ysgol Gelf a Dylunio Caerdydd.
Mae ei waith yn archwilio potensial cerfluniol a gwleidyddol pethau bob dydd, gan ddefnyddio gweddillion a darnau fel man cychwyn. Mae gwrthrychau’n ymddangos wrth fynd ymlaen ac yn agored i newidiadau, wedi eu nyddu gyda hanesion personol, teuluol a gwleidyddol trwy gerflunwaith, gosodiad cyfrwng-cymysg a gwaith clyw-weledol.
Cynrychiolodd Edwards Gymru yn 58ed Biennale Cymru yn Fenis (2019) gyda Undo Things Done, sef gosodiad a oedd yn mynd i’r afael â llymder, dosbarth, cywilydd a cholled, wedi ei seilio ar brofiad ei fagwraeth ei hunan ar stad gyngor. Roedd yn cynnwys drama radio fyw a berfformiwyd yn ddyddiol am saith mis gan ei fam, ac a addaswyd wedyn ar gyfer Radio 4. Derbyniodd Fwrsariaeth Gwobr Turner yn 2020. Mae wedi arddangos yn eang yn genedlaethol a rhyngwladol, gan gynnwys yng Nghanolfan Pompidou, Paris ac Oriel Lisson, Llundain ac mae ei waith mewn casgliadau cyhoeddus gan gynnwys Amgueddfa Genedlaethol Cymru, Cyngor y Celfyddydau a Chasgliad y Llywodraeth. Enillodd Sean y Fedal Aur am Gelfyddyd Gain yn Eisteddfod Genedlaethol Llanelli yn 2014.