Simon Fenoulhet

Rwy’ wedi bod yn gweithio gyda goleuni ers 1995, gan greu gosodiadau oriel, comisiynau preifat ac, yn fwyaf diweddar, gweithiau ffotograffig. Astudiais Gelfyddyd Gain yng Ngholegau Celf Casnewydd a Chaerdydd, gan dderbyn gradd meistr yn 1987 ac ers hynny rwy’ wedi gweithio mewn amryw o swyddi, yn helpu datblygu cyfleoedd i artistiaid mewn prosiectau yn y maes cyhoeddus ledled Cymru. Treuliais ddegawd hefyd yn dysgu Celfyddyd Gain yn rhan-amser ym Mhrifysgol Cymru, Casnewydd. Nawr dwi’n gweithio’n bennaf o’m stiwdio yn Chapter, Caerdydd. Mae fy ymarfer cyfredol yn symud rhwng ffotograffiaeth stiwdio, a symud yw testun y gwaith hwnnw, a phrosiectau goleuo cyhoeddus pan dwi’n cydweithio â chwmnïau goleuo pensaernïol i ddatblygu cynlluniau goleuo wedi eu rhaglennu, er mwyn trawsffurfio gofodau cyhoeddus yn y nos.