Gan ddechrau trwy ymholi’n ddirfodol, ymgais Peter Finnemore yw ceisio ‘gwneud yn weladwy’, ac mae’n adnabyddus am ei brosiectau celf-ffoto tymor hir sy’n ystyried y cyflwr dynol, cof y cenedlaethau, cartref, natur, diwylliant, hanes a thirweddau ôl-ddiwydiannol.

Mae ei ymarfer gwaith yn llifo rhwng iaith ffotograffiaeth a theimladau celfyddyd gain. Mae’r gweithiau celf hyn ar ffurf ffotograffau (analog a digidol), celfyddyd fideo, gosodiadau, llyfrau artist, celf geiriau, perfformiadau ac assemblage ar gynfas.

Graddiodd Finnemore o Ysgol Gelf Glasgow gan gynrychioli Cymru yn Biennale Fenis yn 1997. Mae ei waith mewn sawl casgliad cyhoeddus gan gynnwys: Casgliad Cyngor y Celfyddydau, Amgueddfa Gelf Princeton a Chanolfan Gelf Chrysler. Yn ddiweddar, cafodd ei gynnwys mewn llyfr arolwg mawr o ffotograffiaeth rhyngwladol – Photography Today, Contemporary Photography since 1960.