Verity Pulford

Artist gwydr o sir Ddinbych yw Verity Pulford, a caiff ei gwaith ei ddylanwadu gan y byd naturiol, yn arbennig y strwythurau cain a’r patrymau tyfiant a welir mewn planhigion a’r byd morol. Caiff ei denu’n arbennig at blanhigion cryptogamig megis cen, mwsogl ac algâu ynghyd â ffwng a gwead a ffurfiau cyfoethog creaduriaid morol, anifeiliaid di-asgwrn-cefn, a chwrel. Mae ymdrwytho ym myd natur a sylwi’n ofalus iawn arno yn ddylanwad allweddol ar Verity. Ysbrydolir ei phroses greadigol gan y dull gofalus yma o syllu, wrth iddi dynnu ar yr hapusrwydd sy’n dod iddi trwy fyd natur, y teimlad o ddiogelwch, solas a rhyfeddod tyner. Mae creu yn golygu amrywiaeth eang o brosesau, yn aml trwy gyfuno technegau gwydr megis castio, pâte de verre, ffurfio mewn odyn, paentio ac ysgythru, yn ogystal â chynnwys deunyddiau naturiol. Yn ddiweddar dechreuodd weithio gyda phorslen, gan gyfuno hwn â’i gwaith gwydr. Mae gwaith Verity yn chwarae gyda syniadau am realaeth hudol wrth greu ffurfiau a ysbrydolwyd gan, neu sy’n cyfuno, gwahanol blanhigion a chreaduriaid.