Catrin Howell

Ganwyd a magwyd Catrin ym Mhenboyr, ac fe astudiodd Serameg am y tro cyntaf ar y cwrs Sylfaen yng Ngholeg Celf a Thechnoleg Sir Gaerfyrddin cyn cyflawni BA mewn Cynllunwaith 3D ym Mhrifysgol Wolverhampton. 

Yn hwyrach, cyflawnodd MA yn y Coleg Celf Brenhinol yn Llundain yn 2005. Mae wedi arddangos mewn sioeau grwp ac yn unigol ledled y DU ac yn rhyngwladol. Yn 1998, enillodd Catrin y Fedal Aur am Grefft yn yr Eisteddfod Genedlaethol. Yn 2007, derbyniodd Wobr Cymru Greadigol. Mae ei gwaith i’w weld yng Nghasgliad Serameg Prifysgol Cymru Aberystwyth, Galeri Gelf Shipley yn Gateshead, Amgueddfa Genedlaethol Caerdydd.