Artist aml-ddisgyblaethol o dras Indiaidd sy’n byw ger Abertawe yw Daniel Trivedy. Yn ei ymarfer defnyddia gelf fel ffurf o ymholi, gan dynnu ar ymchwil, adfyfyrio ac arbrofi gyda deunyddiau i edrych ar themâu hunaniaeth, ymfudo, perthyn a chyswllt. Mae theori beirniadol a hanesion personol yn ddylanwad ar ei waith, sy’n archwilio’r tensiwn rhwng cydlyniad a rhaniad yn y gymdeithas gyfoes.

Gan weithio mewn ystod o ddeunyddiau a phrosesau, diddordeb Trivedy yw sut y mae gwrthrychau ac arwynebeddau yn cario haenau o hanes ac ystyron symudol. Trwy drawsffurfio, ail-adrodd ac ail-osod cyd-destun, mae ei waith yn edrych ar y berthynas rhwng diwylliant materol, cof a lle, gan greu gofodau i feddwl am ddimensiwn cymdeithasol ac emosiynol  y profiad o fyw.

Yn 2019, enillodd Trivedy y Fedal Aur mewn Celfyddyd Gain yn yr Eisteddfod Genedlaethol. Mae ei waith i’w weld mewn casgliadau preifat a chyhoeddus, gan gynnwys Amgueddfa Genedlaethol Cymru a Chastell Cyfarthfa.