Seán Vicary

  • Bywgraffiad
    Seán Vicary

    Tregaron 2022

    Medal Aur Celfyddyd Gain

    Mae Seán yn gweithio ym meysydd delwedd symudol, animeiddio a chyfryngau digidol.

    Trwy ei ymarfer mae’n edrych ar y syniadau sydd wrth galon ein perthynas â’r byd naturiol, lle a thirwedd (yn fewnol ac allanol), ac yn ymchwilio i’r cysylltiadau rhwng y goddrychol, y gwyddonol ac agweddau hanesyddol, yn enwedig rhai sydd ynghudd neu’n lled-weladwy.

    Mae ymchwil ymarferol yn ganolog i’w broses greadigol ac ym aml fe fydd yn gweithio gyda ffynonellau cynradd er mwyn sefydlu ei ddealltwriaeth ac i ddylanwadu ar ei ymchwil i’r mythos cyfoes. Yn ogystal, elfen ganolog o’i waith yw’r broses hybrid o greu yn haptig a digidol. Mae’r trin o fewn ffiniau amser sy’n rhan annatod o animeiddio stop-symud yn ffordd i edrych ar effeithiau deunyddiau, a’n hymwneud cymhleth ni â’r hyn sy’n fwy na phrosesau ac amserlenni dynol.

    Bydd Seán yn aml yn gweithio gyda sensitifrwydd o fewn lleoliad; casglu gwrthrychau y mae’n eu canfod a darnau o wastraff, yna trin yr elfennau hyn o fewn gofod rhithwir i greu assemblages wedi eu hanimeiddio. Mae rhain yn gweithredu fel sbardun i’r gwyliwr, weithiau’n awgrymu stori ehangach neu brosesau cudd sy’n llechu tu ôl i’r hyn sy’n weladwy.

    Mae Seán wedi arddangos yn rheolaidd yn Eisteddfod Genedlaethol Cymru, gan ennill y wobr Grefft yn 2011, Gwobr Ifor Davies yn 2016 a’r Fedal Aur am Gelfyddyd Gain yn 2022.

  • Tregaron 2022

    Sitelines

    2022 Medal Aur am Gelfyddyd Gain

    Fideo ac Animeiddiad DU, 10 mun 25 eiliad

    Cynhyrchiad o 5 (4 ar gael)

    Ymateb yw ‘Sitelines’ i nofel gwlt Alan Garner, ‘The Owl Service’. Dechreuodd yn wreiddiol fel elfen o brosiect mapio dwfn cydweithredol, ond dros amser tyfodd y prosiect i fod mor adfyfyriol nes yn rhyfedd iawn llusgwyd yr artist i mewn i’r llyfr.

    “Tyfais i fyny gyda nofelau cynnar Garner. Gan edrych nôl, galla’ i weld sut oedden nhw’n awgrymu fframwaith ar gyfer mapio ffiniau fy mhlentyndod fy hun; ffosydd a chaeau a chloddiau. Ond roedd yr ‘Owl Service’ yn rhywbeth arall. Ro’n i braidd yn rhy ifanc ar gyfer y llyfr, felly trwy’r addasiad teledu yn y 1970au y ces i ‘nghyflwyno iddo. Dwi ddim yn siwr a ddes i drosto yn iawn erioed.”

    Mae Seán Vicary yn archwilio syniad y nofel am y dyffryn fel ‘cronfa’ wefru ar gyfer pwerau anweledig, ond hefyd fel y cymhelliant ar gyfer proses greadigol Garner (ac felly ei broses ei hun hefyd); y trochiad personol mewn tirwedd neu le sy’n ffurfio sianel a’r weithred o greu yn sianelu y grym hwnnw.

    “Treuliais ddwy flynedd yn ymchwilio a gweithio ar leoliad yn y dyffryn. Rwy’ wedi casglu, ffotograffio ac animeiddio gwrthrychau, gan gynnwys blew ceffyl a phlastar calch, hoelion o waith llaw a photel swynwraig. Mae eu lleoliad gwreiddiol yn atseinio drwy’r gwrthrychau hyn a daeth y broses animeiddio haptig stop-symud yn rhyw fath o alwad ddefodol ar ddewiniaeth sympathetig, gan greu ‘derbynydd’ i diwnio i mewn i’r tonfeddi oedd yno o hyd, a dad-gôdio unrhyw drosglwyddiadau arallfydol.”

    Enillodd ‘Sitelines’ y Fedal Aur am Gelfyddyd Gain yn Nhregaron yn 2022

  • Gweithiau

  • Artistiaid AUR

    Artistiaid AUR
  • Contact Form

    Anfonwch ragor o wybodaeth ataf amSeán Vicary

    Please fill in the fields marked with an asterisk
    Derbyn cylchlythyrau *

    * denotes required fields

    Er mwyn ymateb i'ch ymholiad, byddwn yn prosesu'r data personol a roddwyd gennych yn unol â'n polisi preifatrwydd (ar gael ar gais). Gallwch ddad-danysgrifio neu newid eich dewisiadau ar unrhyw adeg drwy glicio'r ddolen yn ein e-byst.