Carwyn Evans

O Gaerdydd, ond yn wreiddiol o sir Gâr, mae Carwyn Evans yn gweithio mewn gosodiadau, cerfluniau, ffotograffiaeth a chyfrwng cymysg. Mae ei ymarfer yn archwilio synnwyr lle personol a diwylliannol, gan edrych ar y pwysau sy’n wynebu’r Gymru wledig, o’r boblogaeth amaethyddol oedrannus a’r argyfwng ym myd ffermio i erydiad iaith, cymuned a hunaniaeth ranbarthol. Graddiodd Carwyn o Athrofa Prifysgol Cymru yn 2001 a chwblhau MA mewn Cerflunwaith yn y Coleg Celf Brenhinol yn 2011. Derbyniodd sawl gwobr yn yr Eisteddfod Genedlaethol, gan gynnwys gwobr Ifor Davies yn 2003 a 2007, a’r Fedal Aur Celfyddyd Gain yn 2011.

Mae ei osodiad ‘Unlliw’ wedi ei brynu gan Amgueddfa Genedlaethol Cymru.