Un o arlunwyr mwyaf cyffrous Cymru yw Meinir a astudiodd am BA a MA mewn Celfyddyd Gain ac addysgu hefyd yn Ysgol Gelf Caerfyrddin. Gwreiddiwyd ei gwaith yn ddwfn yn niwylliant Cymru ac yn aml fe fydd yn tynnu ar ddigwyddiadau hanesyddol a delweddau gwerinol sy’n herio’r berthynas ddynol gymhleth gyda’r tir a’i hanes. Mae Meinir yn portreadu’n egnïol gymeriadau llawn gwrthryfel ac annibyniaeth sy’n cael eu hail-ddychmygu gyda golwg gyfoes wrth iddi gyfeirio’n feistrolgar trwy ei gwaith i gyd at hunaniaeth Gymreig a dylanwadau diwylliannol. Mae ei gwaith yn gyforiog o symboliaeth o draddodiadau gwerin Cymru, sy’n denu’r llygad. Ceir llawer o’i phaentiadau yn Llyfrgell Genedlaethol Cymru ac yn ddiweddar fe enillodd Wobr y Bobl yn Academi Frenhinol Celfyddyd Gain.