Katie Allen & Verity Pulford

Mae ein harddangosfa arbennig ym mis Hydref yn cyfuno gwaith yr artist gwydr Verity Pulford a’r arlunydd Kate Allen mewn deialog farddonol am gywreinrwydd ein byd a grym adferol byd natur. Er eu bod yn gweithio mewn cyfryngau gwahanol, mae’r ddwy artist yn creu bydoedd dychmygol wedi eu gwreiddio mewn arsylwi manwl – planhigion, tymhorau a ffurfiau organig sy’n cynnig llochesi, llonyddwch a harddwch.

Mae Verity a Kate yn symud yn rhwydd rhwng cynrychioliad a haniaeth, gan ddefnyddio strwythur cain a manylion cywrain i bortreadu systemau cudd y byd byw. Nid cynrychioliadau llythrennol mo’u gwaith bob amser ond amgylcheddau cyfochrog –  delfrydol, heb eu difetha na’u cyffwrdd gan ddistryw dyn – sy’n ein gwahodd i syllu’n hir, gan gynnig teimlad o amddiffyniad a dihangfa fyfyriol.

Wrth uno gwydr a phaent, mae’r arddangosfa yn amlygu diddordeb mawr yr artistiaid mewn goleuni, patrwm a phensaernïaeth gywrain byd natur. Mae’r arddangosfa yn amlygu sut gall dau ymarfer tra gwahanol fynegi gweledigaethau cytûn o fyd naturiol sy’n frau ac eto’n llawn gobaith, gan ddathlu mawredd y dirwedd ynghyd â harddwch ei manylion lleiaf a anwybyddir yn aml iawn.