Katie Allen

Mae paentiadau Katie yn canolbwyntio ar dirwedd Cymru a’r tymhorau cyfnewidiol, gan asio golygfeydd cyfarwydd gyda phatrymau haniaethol manwl a lliwiau cydnaws. Mae ei gwaith yn gwahodd gwylwyr i edrych ar y mawredd a’r manylion bach, gan lifo’n rhwydd rhwng cynrychiolaeth a haniaeth. Mae pob darn yn gwyro ein byd naturiol trwy ei pherspectif neilltuol, gan ddistyllu ffurfiau dirifedi yn fotiffau wedi eu gosod ar hyd a lled ei gwaith. Mae amrywiaethau cynnil mewn arlliw a lliw yn cyniweirio cyfeiriadaeth ddiwylliannol wahanol – brithwaith, gwydr staen, miniatur-waith Persiaidd, llythrennu, tecstilau’r 1950au, psychedelia – y cyfan yn gwau trwy ei gilydd yn gyfanwaith llyfn. Er nad disgrifiadau llythrennol yw tirluniau Katie, mae nhw’n cynnig bydoedd dychmygol heb eu cyffwrdd gan ddinistr dyn, gan gynnig teimlad o encil, tangnefedd a harddwch.