Katie Allen

Tirwedd Cymru yw pennaf ffynhonnell ysbrydoliaeth Katie – ei chartref, lle y mae hi’n teimlo cysylltiad dwfn, ac sy’n rhan ohoni. Caiff ei hysbrydoli wrth gerdded ym myd natur, gan weithio mewn harmoni gyda’r tymhorau a dyfnhau ei hymwybyddiaeth o freuder a byrhoedledd y byd. Trwy gyfansoddiad, arwynebedd a chydnawsedd tonyddol, mae hi’n amcanu at deimlad o’r aruchel – gwaith tawel, myfyrgar, heb ei aflonyddu gan ddim a allai darfu arno. Mae Katie wedi ailystyried ei ffordd o weithio, o ganlyniad i ofid cynyddol am yr argyfwng ecolegol a dieithrwch y ddynoliaeth oddi wrth y byd naturiol. Defnyddiodd baent acrylig am amser hir – a hwnnw wedi ei gynhyrchu o resinau synthetig a phlastigion – nes sylweddoli nad oedd hyn yn gydnaws â’i gwaith am freuder natur. Bellach mae’n gweithio mewn siarcol ar fwrdd clai, mewn pennod newydd o archwilio deunyddiau cynaliadwy.
Nodau’r gân olaf yw ei thirluniau dychmygol, di-gyffwrdd i fyd hardd sy’n llithro o’n gafael – ond hefyd, gweledigaeth am ddyfodol lle mae natur yn adfer, yn ffynnu ac yn bodoli unwaith eto ar ei thelerau hi ei hunan.