Patricia McParlin RCA

Astudiodd Patricia ym Mhrifysgol Cymru ac Ysgol Gelf Gorllewin Cymru ac yn ddiweddar fe’i penodwyd yn aelod o Academi Brenhinol Cambrian. Er mai arlunydd yw hi’n bennaf, mae’n tynnu’n ddwfn ar ei gwaith cynharach fel cerddor, awdur ac ymarferydd theatr, gan arwain at ddull o weithio traws-ddisgyblaethol trawiadol sy’n cynnwys ffilm, gosodiadau, cerflunwaith a chelf perfformio. Mae wedi arddangos ei gwaith yn eang ac mae ei gwaith mewn casgliadau preifat a chorfforaethol ar draws y DU ac yn rhyngwladol. Yn ganolog i’w hymarfer mae archwilio pŵer celf i doddi ffiniau – bodoli mewn bydoedd allanol a mewnol ar yr un pryd, y real a’r dychmygol, y gorffennol a’r presennol. Mae ei phaentiadau yn ceisio cyfosod meddwl ag emosiwn, gan herio’r rhaniadau rhwng beth a welwyd a’r hyn a gofiwyd, yn llythrennol ac yn drosiadol. Mae gwaith diweddar Patricia yn canolbwyntio ar fateroldeb paentio – ar liw, ffurf, gofod, gwead a’r ymateb alcemegol sy’n ymddangos trwy ei hymwneud uniongyrchol gyda’i defnyddiau. Mae ei phaentiadau cyfrwng-cymysg yn aml yn cael eu disgrifio fel ‘symffonig’; cerddoriaeth i’r llygad, lle mae harmoni lliw a thonnau operatig o farciau brwsh yn cyfleu rhythm, awyrgylch a dyfnder emosiynol.