Natalie Chapman

Arlunydd ffigurol yw Natalie Chapman sy’n byw yn Aberaeron. Wedi astudio Celf a Dylunio yng Ngholeg Ceredigion aeth ymlaen i ennill gradd dosbarth cyntaf mewn Celfyddyd Gain yng Ngholeg Sir Gâr Caerfyrddin. Mae portreadau Natalie yn ymwneud yn ddwfn â themâu hunaniaeth, y berthynas rhwng pobol, a dogfennu cymdeithasol, gan wneud defnydd o gyfansoddiadau digymell, megis ffoto sydyn, trwy ddefnydd mentrus o liw a gofod. Gyda’u cyfuniad o emosiwn amrwd, mynegiant dygn a dwysedd gweledol, mae ei phaentiadau yn creu golygfeydd sy’n pefrio o densiwn amwys sy’n taflu goleuni ar realiti cymhleth perthynas pobol, gan ddal munudau y gellir uniaethu â nhw yn ddwys. Mae dull mentrus yr artist yn  creu teimlad o ansicrwydd sy’n gwahodd gwylwyr i ystyried cymhlethdod straeon personol – gan edrych ar gyd-blethiad tynerwch a straen o fewn cysylltiadau pobol.