Annie Morgan Suganami

Artist a cherddor Cymraeg yn byw ym Machynlleth, Cymru yw Annie Morgan Suganami. Hyfforddodd yn yr Academi Gerdd Frenhinol ac Ysgol Gelf a Chynllunio Caerdydd, ac mae’r ddwy ddisgyblaeth hon yn taflu goleuni ar ei gilydd yn ei gwaith trwy amcanion cytûn am rythm, cyfansoddiad a byr-fyfyrio. Caiff ei phaentiadau, sy’n llifo’n gyfoethog, eu hail-weithio drosodd a throsodd – haenau yn cael eu hadeiladu, eu rhwbio nôl, a’u hadnewyddu – gan greu harmonïau tonyddol cymhleth sy’n ymdebygu i gymalau cerddorol. Mae gwaith brwsh hyderus yn cyfleu ysgwyddau, plygiadau a wynebau sy’n teimlo’n fyw ac yn bresennol. Mae fflachiadau neon ac amlinelliadau cryf yn cynyddu gwefr emosiynol ei ffigyrau, a’u golwg a’u hosgo yn cyfleu gwahaniaethau cynnil y profiad dynol. Mae deialog barhaus Annie rhwng manyldeb a’r ffwrdd-â-hi yn caniatáu i bob paentiad ymagor fel darn o gerddoriaeth – bywiog, llawn mynegiant ac yn ymdeimlo’n ddwfn â barddoniaeth y presenoldeb dynol.