Steve Brockett: To Carry and Be Carried
Meddyliau wedi eu distyllu yw canfasau lled-haniaethol Steve, yn drwch o ffigurau symbolaidd ac anifeiliaid, cyfeiriadau hanesyddol ac ail-ddychmygu mytholegol.
Mae arddangosfa Steve Brockett yn ymestyn tu hwnt i’r tirlun ffisegol i dir cymhleth ein cysylltiadau yn y byd byw – mae’n siarad am y cwlwm rhwng dyn ac anifail a’r gofal, y baich, yr agosatrwydd a’r straen sy’n diffinio’r cyswllt hwnnw. Fel y mae ein cysylltiadau emosiynol yn siapio ein ffordd o fyw yn y byd, mae ei baentiadau yn datgelu sut y gall tirweddau fyw ynddo ninnau hefyd. Yn Carry and Be Carried, mae cof a greddf yn plethu fel bywydau rhwng-ddibynnol, gan arwain at ddaearyddiaeth fewnol o empathi a thensiwn. Trwy haenau symudol o liw a haniaeth, mae Steve yn amlinellu nid yn unig ffurfiau anialwch Almería a chefn gwlad Cymru, ond hefyd tirweddau seicolegol perthynas – y llefydd hynny lle mae perthyn yn cario pwysau, a lle mae gofal yn lloches a llyffethair. Mae ei waith yn gwahodd gwylwyr i synhwyro’r ddwyochredd yma: y ffordd ry’n ni’n cario’r llefydd a’r creaduriaid ry’n ni’n eu caru fel y mae nhw, yn eu tro, yn ein cario ninnau.
-
Steve Brockett, Shared Silence -
Steve Brockett, What Carries Us
-
Steve Brockett, Counter Balance
-
Steve Brockett, Realm
-
Steve Brockett, A Kind of Holding
-
Steve Brockett, El Ritmo
-
Steve Brockett, Counter Weight
-
Steve Brockett, A Kind of Mercy
-
Steve Brockett, Donkey and the Bride
-
Steve Brockett, Masked Goat
-
Steve Brockett, Passenger
-
Steve Brockett, Pink Goat
-
Steve Brockett, Tethered
-
Steve Brockett, The Clearing
-
Steve Brockett, The Ride
-
Steve Brockett, The Witness
-
Steve Brockett, Under a Weight of Wings
-
Steve Brockett, A Kind of Ascent
-
Steve Brockett, A Kind of Fall
WHERE THE LAND CARRIES US
GWEITHIAU NEWYDD GAN COLIN DAVIES A STEVE BROCKETT
YN ORIEL CANFAS, ABERTEIFI
Arddangosfa: Where the Land Carries Us
Artistiaid: arlunwyr Colin Davies a Steve Brockett
Lleoliad: Oriel Canfas, Aberteifi
Dyddiadau: Mai 2-30 2026
Derbyniad a diod & Cwrdd a’r Artistiaid: Sadwrn Mai 2, 1-3yp
Wrth i oleuni’r haf ymestyn dros fryniau Gorllewin Cymru, mae Oriel Canfas yn falch i gyflwyno Where the Land Carries Us, dwy arddangosfa gysylltiedig sy’n cyfuno gwaith yr arlunwyr Colin Davies a Steve Brockett. Er bod eu pynciau’n go wahanol – Davies yn cyfleu ynni elfennol garw Cymru ei hun, Brockett yn nodi y cysylltiadau tawel a chymhleth rhwng creaduriaid byw a’u cynefinoedd – mae eu gwaith yn rhannu’r un argyhoeddiad: nid rhywbeth cefndirol mo tirwedd. Mae’n byw ynom ni, yn ein ffurfio ac yn gofyn am rywbeth nôl wrthon ni. Mae Colin Davies yn paentio Cymru fel y mae’n swnio ac yn teimlo cyn bod modd ei enwi, a thra ei fod e’n gweithio am allan mae Steve Brockett yn symud i mewn tu hwnt i’r dirwedd ffisegol i diriogaeth gymhleth ein cysylltiadau yn y byd byw.
“Ro’n ni am dynnu ynghyd waith dau artist sydd ill dau, er yn dra gwahanol ar yr wyneb ac o ran pwnc, yn sylwi’n ddwfn ar yr hyn mae tirwedd yn ei wneud i ni – nid o ran ei golwg yn unig, ond sut mae’n symud drwyddon ni a’r hyn mae’n disgwyl i ni gario,” meddai James Horan, Cyfarwyddwr, Oriel Canfas.
Ochr yn ochr yn Oriel Canfas, mae’r ddau gorff o waith yn taflu goleuni ar ei gilydd yn rymus iawn. Mae Davies yn rhoi ffurf i dywydd allanol Cymru – ei drama, ei mawredd ei newid diderfyn – tra bod Brockett yn talu sylw i’r tywydd mewnol y mae hynny’n ei greu: y ffordd mae tir yn setlo yn y corff, yn y cof, yn ein cysylltiadau gyda’r creaduriaid sy’n rhannu’r tir gyda ni. Mae un yn paentio beth mae’r llygad yn ei weld; mae’r llall yn amlinellu yr hyn sy’n cael ei gario yn nwfn y galon.
Mae Where the Land Carries Us yn cynnig cyfarfyddiad aml-haenog gyda Chymru fel profiad bywydyn ogystal â grym byw – lle sy’n goroesi, nid yn unig o fewn ei cherrig a’i harfordir, ond yn y celf, y cysylltiadau a’r bywydau mewnol y mae’n eu hysbrydoli o hyd.
Mae Oriel Canfas yn Manchester House, Rhiw’r Castell, Aberteifi SA43 1HY yn croesawu ymwelwyr o bell ac agos. Bydd yr arddangosfa’n rhedeg o 2-30 Mai 2026, gyda derbyniad a diod ar benwythnos Gŵyl y Banc Sadwrn Mai 2, 1-3 yp, gan gynnig cyfle cynnes i gwrdd â’r artistiaid a dathlu’r bennod newydd hon yn rhaglen yr oriel.
