Sarah Lees: Edge Lands
I Sarah mae paentio yn fater o weld ac o gyffwrdd: cofnod o gyfarfyddiad lle mae gweld yn cyd-gyffwrdd y teimlad o gof lle, gan ennyn dyfnder synhwyraidd sy’n ymestyn y tu hwnt i’r golwg.
Mae’r arddangosfa hon yn casglu ynghyd ymchwiliad parhaus Sarah i’r siapiau a’r olion a adawyd gan ganrifoedd o ymwneud dyn â’r tir. Mae diddordeb rhyfeddol Sarah mewn ymylon tirwedd yn adlewyrchu deialog rhwng ymyrraeth dyn a’r tir gwyllt naturiol, gan adleisio themâu ehangach mewn celf gyfoes a Chymreig ynglyn â lle, cof a hunaniaeth. Mae ei gwaith yn archwilio trothwyon gwledig Gorllewin Cymru – llefydd lle mae caeau wedi eu trin yn troi’n lwyni gwyllt, lle mae meini hirion hynafol yn codi o’r ddaear a lle mae olion dynol yn llifo nol dan rythmau byd natur. Mae ei phroses – gosod haenau o baent olew tyner, crafu arwynebeddau ac ail-ymweld â llefydd cyfarwydd – yn trawsffurfio gweld yn gyffyrddiad, a goleuni yn deimlad. Fel yn ei chyfeiriad at ‘Ulysses’ gan James Joyce – “caewch eich llygaid a gweld” – mae ei phaentiadau yn wahoddiadau I ganfod trwy bresenoldeb yn hytrach na trwy ddarluniad.
