Suzanne Lanchbury

Artist serameg sy’n creu byd personol dwfn o gerfluniau ffigurol yw Suzanne. Mae’n gweithio o’i stiwdio yng nghefn gwlad Gorllewin Cymru, a’i thirwedd yw tirwedd y cyfarwydd a’r breuddwydiwr. Fel arfer fe fydd Suzanne yn gweithio ar sawl darn ochr yn ochr a’i gilydd, weithiau yn ymwybodol ar thema ond weithiau ar lwybr o greu greddfol. Mae syniadau’n llifo rhwng y gweithiau ac mae nhw’n esblygu a thaflu goleuni ar ei gilydd yn gyson. Mae ei chymeriadau yn rhoi ffurf allanol i’w diddordeb mewn creaduriaid hybrid, weithiau gan ganiatáu i ochr storïol neu ochr dywyllach frigo i’r wyneb. Yn aml, bydd ystyr pellach y darnau’n dod yn glir i Suzanne ar ôl i’r gwaith gael ei gwblhau. Boed yn chwilfrydig neu’n brudd neu’n chwareus, mae ei ffigurau’n portreadu emosiwn ac yn eich gwahodd i ryfeddu at y byd y mae nhw’n rhan ohono.