Ceri H. Pritchard

Arlunydd Cymreig yw Ceri a’i waith yn archwilio syniadau sy’n deillio o’r ymwybod a’r anymwybod. Gan dynnu ar fydoedd a grëwyd yn naturiol ac o law dyn fel ei gilydd, mae’n adeiladu iaith weledol arbenigryw, gan gyfosod y cyffredin a’r anghyffredin a chreu gwyriadau swreal o’r byd sy’n gyfarwydd i ni. Mae Ceri yn fab i’r artistiaid arobryn Gwilym Prichard a Claudia Williams, ac astudiodd yn Ysgol Gelf Lerpwl cyn symud ymlaen i Ysgol Gelf St.Martins yn Llundain. Mae wedi teithio’n eang, gan fyw a gweithio yn Efrog Newydd, Berlin, Paris a Mexico a phob gwlad yn ei thro yn cynnig gwledd o ddylanwadau gwahanol. Yn ogystal â phaentio, mae Ceri yn gweithio gyda sain, fideo a cherfluniaeth, gan ehangu ei archwiliad o ddelwedd a ffurf ar draws sawl cyfrwng. Mae wedi arddangos yn eang yn ei famwlad ac yn rhyngwladol, gan adeiladu enw iddo ei hun am ei waith mentrus, seicolegol bwerus.