Gillian McDonald

Denwyd Gillian McDonald yn llwyr at oleuni trawiadol a harddwch gwyllt gogledd sir Benfro, ac mae’n canfod ysbrydoliaeth ddofn yn naeareg hynafol yr ardal a’r meini cyn-oesol, a ffurfiwyd gan artistiaid cynharaf y sir yn fynegiant parhaol o’u cyswllt â’r tir. Mae’n teimlo cysylltiad dwfn â’r crewyr cyntaf yma, a luniodd gelfyddyd na ellir ei gwahanu oddi wrth y dirwedd ei hunan. Mae diddordeb mawr Gillian yn ymestyn i lefydd lle mae’r tir yn cwrdd â’r môr – y pentrefi pysgota a’r arfordir gwyllt lle mae’r creigiau safadwy yn herio rhythm di-dor y tonnau. Mae ei hoff bentiroedd megis Tŷ Ddewi, Strwmbwl a Cheibwr yn ffynonellau dihysbydd o ryfeddod a myfyrdod. Wrth i’w pherthynas â’r dirwedd ddyfnhau, felly hefyd dechneg Gillian, sydd bellach yn cynnwys collage a deunyddiau naturiol sy’n adleisio hanfod cyfnewidiol, haenog byd natur. Mae Gillian yn arddangos yn rheolaidd yn The Gallery Yr Oriel yn Nhrefdraeth, sir Benfro.