Lola Rose Chapman

Artist o Orllewin Cymru yw Lola Rose Chapman a’i hymarfer wedi ei wreiddio’n ddwfn ym mro Ceredigion ei mebyd. Yn hytrach na chreu darluniau uniongyrchol, cynrychioladol 

mae gwaith Lola’n ceisio cipio awyrgylch a hanfod lle, gan adael i wefr emosiynol  y dirwedd roi ffurf i’r paentiad. Mae ei phroses yn reddfol a digymell iawn, gyda marciau brwsh llifol a marciau deinamig yn deillio’n uniongyrchol o’i hamgylchedd, sy’n rhoi teimlad o helaethdra a gofod di-ben-draw i’w phaentiadau. Mae ei gwaith yn dangos ei gallu i gydbwyso haniaeth ac adnabyddiaeth – mae’n hofran ar y ffin rhwng ffurf a di-ffurf, gan gyniwair teimlad o awyr fawr yn ymsymud, gorwelion pell a theimladau diflanedig, gan wahodd  gwylwyr i rannu yn y profiad sy’n ymagor o’u blaen.