Kevin Sinnott

Ganwyd Kevin Sinnott yn 1947 yn Sarn, yn Ne Cymru. Mae’n artist cyfoes Cymreig sydd ag iddo enw da rhyngwladol. Yn ei waith tuedda i ddarlunio eiliadau o fywyd bob dydd yng Nghymru ac mae ei ddarluniau i’w gweld mewn casgliadau ledled y byd. Caiff ei gynrychioli mewn sawl casgliad o bwys, megis y Metropolitan Museum of Art, Efrog Newydd, yr Amgueddfa Brydeinig ac Amgueddfa Genedlaethol Cymru, i enwi dim ond rhai. Wedi gyrfa lwyddiannus yn Llundain, daw llawer o ysbrydoliaeth Kevin bellach o’r llefydd a’r bobl o gwmpas ei gartref yng Nghymru, o’r cymunedau a’r cymeriadau sy’n rhoi lliw i gymoedd y De. Er mai ennyd fach sydyn o berthynas pobol â’i gilydd yw pwnc gwaith Kevin yn y bennaf, mae dylanwad tirwedd De Cymru i’w weld yn aml yn ei waith, gyda’i ddefnydd o liwiau llachar a marciau brwsh hyderus.