Carol Francis

Mae Carol yn arlunydd ac yn seramegydd sydd wedi byw a gweithio yng Nghymru ers dros dri degawd. Astudiodd Gelfyddyd Gain yn Ysgol Gelf Walthamstow ac Ysgolion yr Academi Frenhinol, lle gosodwyd bri mawr ar luniadu fel sail i bob disgyblaeth gelfyddydol. Mae ei gwaith wedi ei wreiddio yn y dirwedd, yn archwilio ei siapiau, arlliwiau, lliwiau a phatrymau. Mae’r hyn sy’n ymddangos yn ddigon di-nod yn y byd naturiol yn cynnig ysbrydoliaeth di-ddiwedd i Carol a chyfle i ddehongli. Bu’n angerddol ar hyd ei bywyd am baentio mewn olew, wedi ei chyfareddu gan allu’r cyfrwng i ddal y berthynas gynnil rhwng lliwiau. Mae’n creu darluniau yn yr awyr agored drwy gydol y flwyddyn a’u defnyddio fel mannau cychwyn ar gyfer ei phaentiadau stiwdio. Yn ddiweddar mae wedi bod yn defnyddio pastel meddal, ac yn eu tynerwch a’u harlliw yn darganfod cyfeiriad newydd cyffrous i’w gwaith.