Matt Williams

Mae gwaith Matthew yn cysylltu harddwch y dirwedd Gymreig gyda’i brofiad byw o fod yn Gymro. Yn un o linach o amaethwyr Cymreig, mae ganddo berthynas angerddol, synhwyraidd â’r tir, lle mae lliw, strwythur ac awyrgylch i gyd yn brofiadau emosiynol a chorfforol iddo. Gan weithio’n bennaf mewn paent olew, mae’n archwilio tirweddau gweladwy a theimladwy Cymru a ffurfiwyd gan hanes a diwylliant. Caiff ei ddenu at themâu colled a hunaniaeth – etifeddiaeth, iaith a thir a gollwyd – ac mae Matthew yn gweld y profiadau yma’n canu yn y tir, wrth iddo eu trawsffurfio’n ffurf a stori. Yn ei baentiadau o fannau dan do hanesyddol mae Matthew yn dala ennyd mewn amser yn gain tu hwnt, gyda’r un feistrolaeth dechnegol,  lle mae goleuni, deunydd ag olion preswylwyr yn dod ynghyd, gan wahodd gwylwyr i adfyfyrio ar sut y mae lle yn cofnodi ac yn plygu’r profiad diwylliannol.