Martyn Jones

Mae Martyn Jones yn arlunydd haniaethol cyfoes o Gaerdydd. Yn ei waith, mae’n trawsffurfio profiad bywyd yn lleiniau o liw a ffurf i ymgolli ynddyn nhw. Wedi cwblhau MA mewn Celfyddyd Gain yn Ysgol Gelf Chelsea yn Llundain, derbyniodd Martyn Gymrodoriaeth Iau yn Academi Gelf Caerfaddon. Ymhlith ei diwtoriaid roedd Patrick Heron a Adrian Heath, a fu o help wrth iddo ymroi at haniaethu trwy liw. Ar y canfas mae Martyn yn trafod eangderau dwys o liw gydag acenion o dwrcas, dulas, fioled a gwyrddlas fel gemau, yn creu gofodau cromatig, dwfn. Mae motiff ‘llinell sialc’ tebyg i ddull plentyn o wneud marc, ond wedi ei greu gyda brwsh main a gofal mawr, yn adlewyrchu ei gyfuniad o sydynrwydd a rheolaeth. Drwy ei ymarfer, mae Martyn yn chwilio’n barhaus am drosgynoldeb llonydd a harddwch annaliadwy, perffaith.