Catrin Webster

Ganed Catrin Webster yng Nghaerdydd ac astudiodd yn Ysgol Gelf Slade, Coleg Prifysgol Llundain. Yn ddiweddar dychwelodd i fyw a gweithio yn Aberystwyth. Mae llawer o’i gwaith yn ymwneud â bod mewn lle penodol; gardd, parc, dinas neu gefn gwlad ac yn aml mae’n ymateb i daith, er enghraifft ar droed neu gefn beic. Ar hyd ei gyrfa, bu’n archwilio ystod o gyfryngau paentio a bellach mae’n canolbwyntio’n bennaf ar baent olew a dyfrlliw, ar raddfa fach a mawr. Mae Catrin yn angerddol hefyd dros botensial paentio cyfoes i ail-ddyfeisio ei hunan yn gyson, gan luniadu ieithoedd newydd, dulliau o osod cyfansoddiad, strwythurau a ffyrdd o ddeall gweledol, trwy astudio cyfryngau dau ddimensiwn eraill, megis y teleweledol. Gwnaeth sawl astudiaeth o ddelweddau sgrin mewn inc, dyfrlliw a lluniadau digidol, ac mae hefyd wedi cyd-weithio ar gynhyrchu gosodiadau taflunio a phaentio. Mae Catrin wedi cyflawni sawl preswyliad rhyngwladol ac wedi arddangos yn genedlaethol a rhyngwladol. Mae ei phaentiadau mewn casgliadau cenedlaethol megis Amgueddfa Genedlaethol Cymru a Chasgliad Cyngor Celfyddydau Prydain.