Charlotte Baxter RCA

Mae Charlotte yn gweithio’n bennaf trwy gyfrwng toriadau leino a phren ac mae’r broses argraffu ei hunan yn dylanwadu ei gwaith, wrth i bob un elfen gynnig ei phosibiliadau cyffrous ei hun. Yn y dechrau ceir y broses, gerfluniol bron, o naddu’r blociau. Defnyddia amrywiaeth o offer bychain er mwyn torri i ffwrdd a datgelu’r ddelwedd – yn aml gan weithio’n llawrydd ar y dechrau er mwyn ychwanegu gwead a phatrwm, gan wneud defnydd o farciau naturiol y cynion. Os bydd hi’n defnyddio pren, bydd y graen yn aml yn dod yn rhan annatod o’r ddelwedd ac mae’n atgoffad o dreigl amser a chylchoedd tymhorol. Yna, bydd Charlotte yn gosod inc ar y rholer, gan newid trwch a thryloywder yr inc i greu effeithiau diddorol ac amrywiol. Mae’n ychwanegu haenau trwy argraffu ar ben yr argraffiad gwreiddiol gan ddefnyddio blociau ychwanegol (aml-floc) neu trwy dorri i mewn i’r un bloc ac yna argraffu gyda lliw gwahanol (dull lleihau).