Glenn Carney

Arlunydd o Dde Cymru a addysgodd ei hun yw Glenn, ac mae ei waith yn troelli o gwmpas themâu tebyg, gan geisio ennyn eto emosiwn ac ystyr y llefydd y bu’n ymweld â nhw. Mae’r hydref a’r gaeaf yn flaenllaw yn ei gelfyddyd, gan adlewyrchu apêl tirweddau mwy agored a’r ysfa i chwilio am yr harddwch sydd mewn braenedd. Yn lliwydd wrth reddf, mae Glenn yn creu tirluniau a bywyd llonydd mewn olew, acrylig neu tempera wy, gan ddefnyddio lliw i gyfleu emosiwn. Bydd yn ail-ymweld yn fynych ag ardaloedd yng ngorllewin Lloegr a Chymru, gan gludo ei argraffiadau meddyliol gydag e er mwyn eu paentio’n hwyrach. Mae ei fywydau llonydd, tymhorol eu naws, yn mynegi hapusrwydd ac optimistiaeth – yn enwedig ei astudiaethau blodau mentrus. I Glenn, mae paentio yn gofnod o ystyr, ac hefyd yn rhodd pan fydd eraill yn darganfod llawenydd yn ei waith.