Sally James Thomas

Mae byw a gweithio mewn amgylchedd arfordirol, gwledig yn dylanwadu’n gyson ar ddefnydd Sally o liw, gosod marciau a thestun. Mae’n archwilio nerth a phresenoldeb trwy gyfuniad o dechnegau, a gwrthgyferbynnu hyn gyda braenu a byrhoedledd. Caiff ffurfiau naturiol a synthetig eu cyfuno yn ei gwaith, gan adlewyrchu’r simsanrwydd creulon sy’n wynebu byd natur sy’n ceisio goroesi. Mae’r bygythiadau i’r byd naturiol a’i harddwch ystyfnig yn edefyn cyson. Cynigiodd yr amser a dreuliodd ar ynys Skomer gipolwg ar fywyd cyfochrog adar y môr – dangosyddion argyfwng hinsawdd, yn lleol a byd-eang. Mae llwybrau mudo a ffiniau gaiff eu croesi yn siarad â’r ‘arall’; mae bywydau absennol, sydd heb eu dangos yn eglur yn cyfeirio at y pellter cynyddol rhwng dynoliaeth a byd natur. Mae ei hymarfer printio arbrofol yn defnyddio pob techneg am ei nodweddion cynhenid yn hytrach nag er mwyn creu nifer lluosog. Mae platiau’n creu haenau a chysylltu gyda phaentiad, pwyth a gwrthrychau, gan greu gwahoddiad i gyffwrdd. Enillodd Sally Wobr John Purcell yn y Print International Biennale 2021 a caiff ei chynrychioli gan Galeri Celf, Caerdydd.